.بنت مصر..مريم فكرى
من 6th of April Youth Movement - حركة شباب 6 إبريل في 02 يناير، 2011، الساعة 04:15 مساءً
مريم فكري هى ضمن الضحايا فى التفجيرات الارهابيه بالاسكندريه..هى اللى احنا نشرنا اخر كلام كتبته عن 2011
اللى كانت بتقول فيها انها عندها احلام كتير نفسها تحققها فى
2011
قوليلي يا بنت مصر هو انتي ايه ذنبك
تموتي ليه يا جميله و ينكسوا علمك
مين اللي خان الوطن و بكى عيون اهلك
انا مصري مسلم لكن دمي من دمك
...
قالتلي انا مش عارفه.. ليه قتلوني ؟!ا
لو كنت حتى غلط كانوا يعاتبوني
انا كل ذنبي خرجت و الفرحه في عيوني
في ليله كانت عيد مع ناس حبوني
ماشيه في شارع فرحانه بسنه جديده
كان عندي فيها امل و اماني سعيده
فجأه جرى اللي جرى و لقتني وحيده
صوت الصراخ تسمعه روحي وانا بعيده
و شوفت امي بتبكي وصوت نداها عالي
رايحه لفين يا مريم يا عمر كان غالي
و اصحابي مسلم مسيحي الكل بكاني
بدموع ساكنها الألم على اللي جرالي
مانا برضوا ليا اصحاب كتير مسلمين
ولا عمرنا اختلفنا رغم اختلاف الدين
كان بينا حب و موده و لبعضنا قريبين
وان حد فيهم يحزن بلاقي قلبي حزين
قلت يا مريم يمكن موتي عشان قبطيه
فكان دينك السبب انك تكوني ضحيه
قالتلي لا يا مصري مش هيا دي القضيه
انا اتقتلت عشان تحصل فتنه طائفيه
عشان كدا بوصيكم تفضلوا سوا مع بعض
قتلي و انا وسطيكم زي اغتصاب العرض
انا قلت حقك هيرجع... حقك علينا فرض
و اللي طفوا شمعتك هنخسف بيهم الأرض
محمد عاطف
فيديو مؤثر جداً عن مريم فكري
:'(((((
ليست هناك تعليقات:
إرسال تعليق