الأربعاء، 24 أغسطس، 2016

هالة وحكايتها .. الجزء الثانى ، نصوص جميلة للصديقة هالة محرز


(١)
مستر مونتجمري
والولاد صغيرين يعني اربع وخمس سنين كنّا عايشين ف ايرلندا الشمالية....🇯🇪 كان الوضع بين البروتستانت والكاثوليك ف البلد لِسَّه مش مستقر اوي......💣 كانت المدارس المتاحة تلت انواع....كاثوليك....بروتستانت وحاجة جديدة اخترعوها عشان يهدوا المواضيع اسمها انتيجريتيد....اللي دخلنا الولاد فيها.....اضمن ومن باب تشجيع التقارب مع الاخر ....والبق ده....👯 اول مارحنا المدرسة دي سالونا طبعا عن الديانة والمسموح عندنا والممنوع......ومشي الموضوع حلاوة 😍🌹.....مدرسة ممتازة ....حكومة.....حاجة ببلاش كده ولا احلي.....😇 .بعد تقريبا سنة وشوية قاعدين علي العشا الا ولقيت فرح غمضت عينيها....ووطت رأسها ...وبدات تتمتم ب كلام مش مفهوم....."ايوة زي الأفلام الانجليزي كده ...😳 انا اتفاجئت ومفهمتش....🙄 انا: بتعملي ايه ياتوتة؟!....🙄  فرح: بأعمل زي اصحابي.....انا:  😱😱  فرح: وهيا بتشاور بأيديها م اليمين للشمال وم الشمال لليمين "ب ترسم صليب"..مامي مامي هو احنا بنعملها م الشمال لليمين والا م اليمين للشمال...يااااااااا...مااااااااامي....هه؟.....هه؟......🙈🙈....انا: 😩😫 .......نديم :مامي عايز حاجة...🏀..استني ياعم نديم دلوقتي 😇....فيه طوارئ ياعمونا مش وقتك خالص....😁 أمك ب تحاول تعصر مخها وتعمل انجر مانيچمينت وكده.......انا: لا يافروحة ياحبيبتي احنا مش بنعمل كده....احنا مسلمين بنعمل حاجات تانية...فرح: .اصل النهارده يامامي مسز هارتلي قالت يالا نصلي 😱😡  ف كل الفصل عرف يعمل الحكاية دي 😡😡 وانا الوحيدة اللي معرفتش!!....🤔 انا "ف سري".....ام  التحديات اللي ع المسا دي!!....ادي اخره اللي جالنا من بلاد الفرنجة.......😫😫 فرح: يالا بقي قوليلي....هه!....هه!.عايزة اتعلَّم ....انا: انا الخقيقة يافروحة مش عارفة.....اصل احنا مش بنعمل كده..احنا ياحبيبتي مسلمين ...بنعمل حاجات تانية قلت لك....🤓🤓...وانتي ياحبيبتي مسالتيش مسز هارتلي ليه؟!...احنا نروح بكره المدرسة مع بعضينا كده ونسالها.....👡👡 وابتسامة صفرا وف سري نهارك طين يامسز هارتلي.....💣 رحت المدرسة تاني يوم .....وانا باركن العربية ومن ع الباب طلعلي مستر مونتجمري "الناظر"....واقف مستني ع الباب ووشة مزنهر..😳..انا قلت اه ح يطردوا العيال م المدرسة....😡 والنبي ماعملنا حاجة يابيه......😩دا احنا لينا عندكو حق ياعنصرين ياكفره......☹️.   كمان ح تطردوا العيال؟!......😁....وامعتصمااااااااه....💣💣 ....جري عليا مستر مونتجمري وقالي صباح الخير .....احنا لازم نتكلم ضروري دلوقتي....انا ف المكتب...بعد ماتودي الولاد ممكن تتفضلي عندي؟!.....😵 قلقت الصراحة.....🤔 ....ف الممر بتاع الفصل قابلت مدرسة بعد صباح الخير.....قالتلي انا آسفة جدا...🙄....وديت العيال الفصلين وكل لما أعدي علي حد ألاقيه مزنهر ومطأطأ الجبين....😕..فيه ايه ياجدعان؟!.....قلت خلاص حاروح للناظر لقيته مستنيني علي باب فصل فرح.....لاحول الله يارب.....اتخضيت الصراحة وأخرجت كل اسلحتي للدفاع عن موقف انا مش عارفه هو ايه.....🤓....فيه ايه دا انا جاية اشتكي؟!!!.......خدني الناظر ف المكتب وقال لي: انا ف غاية الأسف والخجل....😳...امبارح حصلت غلطة لاتغتفر خاصة ب فرح.....🙄🙄المدرسة الاساسية مكنتش موجوده امبارح....ومتعرفش ان فرح مسلمه....ف صلوا عادي زي زمان.....انا: زي زمان ازاي؟....الناظر:اصل الأطفال ف المدرسة كانوا بيصلوا ....بس فصول فرح ونديم مابيصلوش عشان فرح ونديم مسلمين!!!......😳 الناظر: مساعده المدرسة بقي نبهتها....بس كان تو ليت...وهيا معتذرة وبشدة...😌....كمان المساعدة بلغتني بالحادثة.....😇 وانتي من حقك تعملي شكوي طبعا....وانا معتذر تاني وتالت.......انا: خلاص ياعمونا خلاص ...والناظر مكمل وهو مزنهر بجد....والمدرسة ح تعتذر ل فرح وح تيجي تعتذرلك...😳....وحنراقب فرح ونشوف الحادثة دي اثرت عليها....... وووووو............ياعم خلاص....والمصحف انا خفت عليك يطق لك عرق .....☺️ خلاص والمصحف..🤗 ..ياعم كلنا بنغلط خلااااص ..☺️ .النفر مننا خطاء وكدهون....😄 وماليكو عليا يمين الراجل  صعب عليا.....😅 ف رحت منطلقة ....باقولك خلاااااص ياعم انت......يمين علي يمينك ماعايزة حديعتذرلي حتي.....😇...ده انتو عالم كمل واللهي..😘....اهدا يامستر مونتجمري بس عشان عايزة أسالك سؤال....🤔 سيبك من فرح دلوقتي....ح تبقي كويسة....وانا حاكلمها ف البيت......😇 بس وحياة الغالي تجاوب ع السؤال ده......هو انتو صحيح بطلتوا كل تلامذة المدرسة من سنة ونص تصلي عشان اتنين مسلمين؟...🤔...وحتي ماقولتوليش ولا اتصورتوا تليفزيون يحيا الهلال مع الصليب وحركات وكده ؟!......🤔 ...روح ياشيخ الهي يسعدك وينور طريقك وينولك اللي ف بالك يامستر مونتجمري يابن ......هيا مامت حضرتك اسمها ايه؟!......😂😂....لا مش انت بس......أمهات حضراتكو كلكم اسمهم ايه.....😍😂🌹

(٢)
عندما بلكنى بتاع السمك 

باكلم بتاع السمك اطلب كابوريا....ف عايزة أقول للمسكين كابوريا نتاية "عشان البطارخ يعني"...اتكسفت بقي أقوله كلمة  نتايه دي ....😇😇 ماهو ميصحش برضو...مابقلش انا الكلام ده.....☺️☺️  بس ف رحت قايلاله... كابوريا...مم ...كابوريا....امممم ..... ست يعني 😱😱 بس كده.....🤓🤓 وبناء عليه الراجل "عداه العيب "... قفل السكة ف وشي....🤔🤔 مش بعيد يكون عمل لي بلوك....😂

(٣)
حتى انت يا نادى 
من كام سنة كده لما رحنا "ك عيلة يعني" نعمل عضوية ف نادي ما...في ارض المحروسة..... ⚽️🏈🏸 عملنا العضوية ب قرض م البنك....القرض ده "من باب التسهيل وقتها" أتعمل باسمي...وبالتالي "مفروض يعني"....ات جوز وذ أوت سيينج.....العضوية طبعا....يا اما عشان الحق ف تكون العضوية  باسم العيلة....👨👩👧👦   مش كده؟!....صح؟!.....حد عنده اعتراض؟!......💣💣 الا أفاجئ مره وانا مش مدية خوانة كده ان الكرنيهات مش شبه بعض....😱 انا والولاد لون وجوزي لون تاني....🙈🙈 مخدتش ف بالي ساعتها....غلطة ألوان وتعدي....حصل خير!!!..بعد شوية قررت استفهم  🤓🤓 لقيت الألوان دي ليها دلالة!!!.... جوزي عضو أساسي!!.. واحنا التلاتة "عضو مساعد والا مانا عارفة بيسموه ايه"....هو يعني الخلاصة ...زي مافهمت وقتها....اني انا كده  ف المرتبة التانية جنب العيال.....🙂....طب ليه الغلط طه!!......يعني اتحبس وكمان ابقي درجة تانية!!!....الاتنين....😂😂 ده كان تبرع بحت من إدارة النادي ومساهمة ف تهميش دور المرأة وكده.....🙂......طيب يعني يرضي مين ده؟!...ف الظروف العادية كان ممكن اعمل خناقة ع الموضوع ده....بس مش حامشي بقي ف البلد اخانق دبان وشي...☠☠ وعاده يعني لما تفتح موضوع زي ده ف بلادنا العزيزة....بيخش عادة ف مناحي اخري....وتفاصيل شخصية....🙄🙄 هو فيه مشاكل لاسمح الله!!....مانتي وهو واحد ....الخ.....😖😖 ياعمونا انا مش باناقش تفاصيل جوازي هنا.....انا بأسأل سؤال محدد.....ينفع كده!!!!....المهم يعني ولان ف الاخر الواحد بيروح النادي ينبسط...💃🏻💃🏻 ف مش طالبة خناقات....ف قررت اطنش....😎😎 بس والمصحف مش ناسياهالهم.......نيا هااااااااا....🔫🔫 الحق نفسك يانادي احسن لك....🏈🏈 وعلي راي زياد...شايفو عالنظام مش عم يمشي غيرلو النظام  🤔🤔......يا اخي 😇😇
(٤)
واشياء اخري
 مش اول مره كنت اروح السفارة المصرية ف اوتوا......🇪🇬 كل مره كل مره...نرجع المشوار بجرح ......😰 .....الناس اللي شغالين هناك طيبين اوي يابوي....الصراحة....ف كل مره اجي احكي يصعبوا عليا....ادب...واخلاق عالية جدا....حتي ابو زبيبة الكشر اللي بيزغر لك وانت داخل ....🤗 الناس الطيبين دول اللي شغالين ف السفارة شغالين ف مكان غلط.....معمول غلط يعني....كل تفاصيله غلط ....من اول الانتركوم البايظ.....مرورا انه مفيش شبابيك للجمهور ف السفارة زي بقيت أماكن استقبال الجمهور......ونهايه ب عفش الانطاريه ف مكان استقبال الجمهور........😱
ادي الحكاية من الاول..... السفارة/القنصلية المصرية ف اوتوا  ف حي جميل جدا وشيك ع الاخر وبارك كبير ....يعني لو لازم تستني ممكن تروح تكوع ف البارك العظيم اللي قدام القنصلية....... اهو  ربنا من عنده باعت مساعده الهيه!!!.... 😁 انا شخصيا رحت مع فرح ايلنا شوية ف الطبيعة الساحرة..علي بال مالورق يخلص....☘...انا ح احكي الحكاية وعايزة رأيكم والنبي عشان انا غلب حماري......م الاول ...باب سفارة خشب مسمط.....بعد ماحضرتك تضرب حيص بيص علي باب القنصلية لان الانتركوم بايظ....وقدامك باب خشب كده معندكش اي فكرة تعمل بيه ايه...ف السفارات التانية عادة بيكون فيه أمن .....ولا ايتها حراسة!!.🔫🔫....ف لما المواطن يطص ف باب زي ده......يخاف يتبرع يفتحه احسن يتطخ رصاصة بالغلط والا حاجة....💣💣..المهم تلوت الشهادتين .....واستخرت ربنا .....واخدت وضع الهجوم....و وزقيت فرح خطوتين ل ورا ....☠ورميت نفسي ك ام ف التهلكة فداء للوطن ول بنتي.....🇪🇬 .زقيت الباب ودخلت....🙈 الله سلالم ل تحت......قبو فرعوني....🐞 الله.....😀 لا خطوتين تانين ...لقيت صالون ..🙄 الله اوده الصالون....💃🏻...ايوة صالون بانترية جلد وكده....😳 لافيه حراسة ولا اي حد ورا الباب المقفول....ولا حتي ماكينة ارقام من بتاعت الدور دي......ولا اي شئ خالص....🤓 .مجرد صالون عادي ف اي بيت مصري....."اصحابه ذوقهم ب عافية شوية"...😁😁..ف اخر الصالون فيه مكتبين.....واحد كده قاعد علي مكتب مكشر ومتضايق من روحه....مش منك...اه والمصحف هو مش مضايق منك انت شخصيا خالص.......هو كده شكله مضايق ومتفاجئ بوجودك.....🙄 عادة ف الأماكن اللي زي دي بيبقي فيه لوحات إرشادية .....وشبابيك ......👀 زي البنوك كده....شباك ل تقديم....شباك للدفع....اي شئ ل تنظيم الدور يعني......😏 مفيييييييش......المهم بقي اضطريت أكلم الراجل الوحيد اللي ف وشي...عايزة حضرتك اعمل توكيل.....طب اتفضلي استريحي..🌹...واختفي دقايق  "حسّيت انه ح ينزل ب طقم شاي وكده".....💃🏻💃🏻 .وجاب معاه راجل تاني من جوه هو اللي اداني الورق....✍🏼✍🏼✍🏼 وانا قاعده استني بقي قعدت أتأمل ف الانترية الجلد واللوحات اللي ع الحيطة وعفش الاودة اللي احنا عايشين فيها دي....🤔..طب والمصحف عيب كده....ده عيال الجرافيتي كانوا بيعملوا شغل يجنن يعني....مش حاوصف خالص لوحات الحيطة حفاظا علي أعصابكم ..طب بلاها فنانين خالص....😇يبعتوا مندوب اي سفارة تانية او بنك  ويغش التصميم !!...وبعدين لو الضيوف ف الصالون زادوا وبقوا عشرة ح تحصل فوضي.......عادي يعني !......يقدروا يحولوا أوضة الصالون دي ل تحفة فنية...😫 .حتي من باب تشجيع السياحة....😒 ويحطوا شبابيك للتعامل مع الجمهور !!!....😫...المهم جه الراجل الطيب ده معاه التوكيل وانا مليت التوكيل واديتهوله....واحنا كده واقفين ف نص الاوضة......ماهو مكنش فيه عملاء غيري انا وفرح ساعتها......😇 المهم يعني....الف شكر ....كام ياسيدي...أربعين دولار يامدام....اتفضل الفلوس..🤑...حضرتك تيجي الساعة اتنين تستلمي التوكيل....😍 من تجربتي ف السفارات والقنصليات والجوازات انك متسالش....تسمع الكلام وخلاص...🙈..او تقلل الكلام...تختصر يعني....قلت للراجل شكرًا ...ومشيت....💃🏻💃🏻...خلصت ف وقت قياسي....🙏....فرح: هو احنا دفعنا فلوس؟....انا:ايوة.....فرح : فين الوصل؟!....انا :معرفش....فرح: طب بلاش الفلوس....احنا ح نيجي ناخد ورقة مهمة كده بايه؟!....انا: ماهو الراجل ح يعرف شكلنا......فرح : اسمه ايه الراجل ده؟! .انا: معرفش....فرح بتبرطم.....انا: بلاش دوشة يافرح....باْذن الله التوكيل ح يكون جاهز الساعة اتنين.....بلاش تفولي فيها والنبي واحنا علي سفر....😍 .فرح : طب افرضي ضاع!!.....انا : لاياحبيبتي مش ح يضيع..😘..انت بتهزري ده ورق مهم.....🤓 فرح : انتو واللهي اللي بتهرجوا .😂😂😂.....انا: هو انا كده اي ريحه م المحروسة باتصرف وبافكر زي اهلي ....مابالك بقي واحنا قاعدين ف الصالون بقالنا ساعة.....😎😎المهم جينا الساعة اتنين نستلم.....واستلمنا احنا وناس تانية أوراقنا......كان فيه سواح لما دخلوا اوده الصالون جالي احساس اني عايزة انضفها.........🇪🇬🇪🇬 الكلام اللي فات ده مش بس قنصلية مصر ف اوتوا....لندن برضو مفيش ارقام وخناقات مع الموظفين اللي فعلا غلابة وطيبين وعايزين يساعدوك......😍.يعني والنبي ح حيحصل ايه لو الموظفين دول كانوا ورا شباك والموضوع بس منظم شوية....😁 غير بقي ان فعلا ممكن يكونوا مستهدفين...يعني شوية حراسة للموظفين دول ولأي حد داخل السفارة...💣..واكيد مش أزمة فلوس يعني لان ايجار مكان ف المنطقة دي ف حد ذاته باهظ التكاليف!!.....فيه ايه بقي؟!....هه؟!...هو تنكيد ع الخلق وخلاص من باب النكد؟!....موظفين "اللي شكلهم مش مضايق خالص".....انا اللي مضايقهالهم ........😍 وعملاء .....مواطنين وسواح......كله لازم يشرب؟!!..محدش يقولي فيه صندوق شكاوي عشان اللي صمم او خطط مكان زي ده تعدي مرحلة الشكوي ولازم يتولع فيه الاول الحقيقة......يا الهي

(٥)
حادثة فردية سنة 2009 
نديم : هو احنا لما بنكتب جواب لازم نكتب فوق بِسْم الله الرحمن الرحيم.
انا : لا ياحبيبي مش لازم...فيه ناس بتكتب وناس لا
نديم : والمسيحيين؟
انا : لا ياحبيبي المسيحيين مابيقولوش بِسْم الله الرحمن الرحيم بيقولوا حاجة تانية ومش عارفة بيكتبوها ف نص الصفحة زينا والا لا.الصراحة مجاليش جوابات من مسيحين كتير ولا من مسلمين برضو 😊
نديم : طيب مدرس العربي بتاعنا النهارده ف حصة الإنشاء  نقص مايكل صاحبي نمر عشان ما كتبش  ف "رسالة الي صديق".....بِسْم الله الرحمن الرحيم ف الاول.
انا: لا مش مفروض المدرس يعمل كده.....هو بيدرس لغة عربية..مش دين....
نديم : امممممممم
انا : "وانا بأحاول الاقي مخرج ".....بس مايكل كان لازم انه يقوله انه مسيحي يمكن المدرس مش عارف
نديم : ماهو اللي حصل يامامتي..."ونديم شكله منفعل".....اللي حصل ان مايكل رفع أيده....كدهو......وقام وقف ........كدهو برضو....وقال يا أستاذ ...يا أستاذ ...يا أستاذ انا مسيحي
انا  ...............قطعت النفس خايفة م اللي جاي
نديم : راح المدرس يامامتي قاله اكتب بِسْم الله الرحمن الرحيم وخلاص.
انا ..................................قطعت النفس تاني 
نديم : راح مايكل كتب بِسْم الله الرحمن الرحيم 😢...................وخلاث 😢
انا  ...................................سقطت صرعي....مت يعني
اكراه ده والا مش اكراه يامتعلمين يابتوع المدارس ؟!



ليست هناك تعليقات: