وجدتها فى صفحة الفيس بوك للصديق محمد عاطف

د

الأسطى علي راجل مجدع ساكن في مشاوده بحريه ومشاوده دي قريه فقيره نواحي سوهاج القبليه الاسطى على مش متعلم و شغال عامل باليوميه عايش هو ومراته عايده وراضيين بالعيشه الرزيه بني ادم على قد حاله ولا يعرف ايتها وزير ومقالش اشمعنى الريس ما في غيره يحكمنا كتير ولا عمره مشي في ...مظاهره ولا نادى يوم بالتغير ماشي ساكت وجنب الحيط مع انه ياعيني فقير عم علي يقوم من نومه الفجر ساعة الأدان ومراته عايده تكوي هدومه وتجهزله العده كمان يدور على لقمه ياكلها وميلاقيش حاجه الغلبان ومراته تصلي وتدعيله " يفرجها علينا الرحمن" يخرج عمنا علي متغندر وهو لابس الجلابيه وعشان الشمس هناك حاميه بيحط على دماغه طاقيه ماشي في السكه المقطوعه ومش خايف من الحراميه ماهو محلتوش حاجه ياحسره غير عده قديمه مصديه على اول السكه يقف ويشاور لأي ركوبه سوزوكي ان كانت او كارو ..اهي اي حاجه مقبوله هتعدي على جرجا يااسطى .. اركب ورا مع الحموله الله يكرمك يا ذوج .حاسب بجى من الشبوره ينزل في جرجا وفي ايده ورقة جورنال ويفرشها ع الارض و يقوم قاعد والعده جنبه مجهزها معاك سيجاره يادرديري.. مينين ياعلي هنجيبها سيبها على الله يادرديري ربك علينا هيبسطها قاعد الشمس فيه بتحرق وتعدي عليه الساعات ولا مره فكر يتسول ويمد ايده ويقول هات ولا قال اسرق وابقى بيه زي حضرات البهوات همه لقمه تسد الجوع مش همه يسكن سرايات ويغني علي مع زمايله و صميده يعزف ع الناي وينط حنفي في وسطيهم ويقول الحجوا فيه زبون جاي يدخل البيه ومعاه الهانم ويقول للرجاله هاي والست تمسك مناخيرها علشان قالوا اتفضل شاي شوف يابني انت وهو عايزين شوية انفار هناخدهم معانا الفيلا علشان احنا خدنا قرار نهد اوضة الجنايني اصلنا لمحنا فيه فار والغبي كان قاعد فيها وساكت زي الحمار يشتغلوا اليوم بطوله من غير ما يرتاحوا شويه عايزين الشغل قوام يخلص علشان يقبضوا اليوميه والباشا عداه العيب قبضهم ع المغربيه عشرين جنيه كل نفر.. نقدا مش شيكات بنكيه ويرجع علي ع الدار سعيد ونفسه مرضيه ينادي ع الست عايده ويقولها: افرحي ياوليه انا رايح جوام ع السوج اصل اني جبضت النجديه الليله حدانا عيد وهنطبخ باميه وملوخيه ياحلاوه ياسي علي عن جد !! مش ناجصه هزار اني مخنوجه ياوليه بجولك جبضت .. ياوليه افجعي زغروطه يافرحة امك ياعايده..طب ابجى هاتلنا كيلو جوطه كيلو ايه طب جولي اتنين ..جهزي باجورنا.. ياكتكوته واني يدوب مسافة السكه وهجيبلك كل الطلبات يخليك ليا ياسي علوه..... يابوي على دلع الستات دلوجتي بجيت سي علوه علشان في جيبي جرشنات ماكنتي حزينه وملويه .. دا النسوان دي عليها حركات و عايده فرحانه بجوزها ماهو راجل مجدع وصعيدي قامت ولعت باجورها مستينه السبع يجي وزمان قالوا اطبخي ياجاريه .. حاضر مادام كلف سيدي رجع سي علي ايديه فاضيه وبأيه ياخناقه هتفيدي دخل سي علي قوام اوضته باين على وشه انه حزين باصص ع السقف ومبرق وعامل زي المجانين ايه ياسي علي فين الجوطه .. جوطه ! جوطة مين! الجوطه ياراجل الحمرا المدوره حبتين وكمان بتجولي حمرا يافاجره والنعمه لتموتي الليله دا الكيلو بعشره جنيه وكمان عايزاها ياحزينه وجري سي علي ع المطبخ وهوب شد السكينه ونزل فوقها طعنات لحد ما ماتت المسكينه ماتت وكل جيرانها يشهدوا انها كانت هاديه وبسببك ياحكومه قتلها مع انها بالعيشه راضيه ماهو الجوع كافر برده وانتي مبقاش ليكي فايده وبكره بسببك هنلاقي مليون علي ومليون عايده علي وعايده عن المواطن علي السيد علي خضر الذي قام بقتل زوجته عايده ابراهيم جمال بسبب سعر كيلو القوطه      محمد عاطف ..